Pərviz Heydərov vəfat edib - FOTO

Azərbaycanın məşhur iqtisadçı eksperti Pərviz Heydərov vəfat edib.

Avtosfer.az xəbər verir ki, bu barədə Ölkə.az-a onun yaxınları məlumat verib.

Ekspert 54 yaşında dünyasını dəyişib.

Qeyd edək ki, P. Heydərov 1972-ci il iyulun 19-da Bakı şəhərində anadan olub.

1979-1989-cu illərdə Bakı şəhəri Səbail rayonundakı 219 nömrəli məktəbdə orta təhsil alıb.

1989-cu ildə N. A. Voznesenski adına Leninqrad (indiki Sankt-Peterburq) Maliyyə-İqtisad Universitetinin Bakı filialına daxil olub, 1995-ci ildə Azərbaycan Dövlət İqtisad Universitetini bitirib.

1995-ci ilin sentyabr ayında İqtisadiyyat Nazirliyinin İqtisadi İslahatlar Mərkəzində (indiki İqtisadi İslahatlar Elmi-Tədqiqat İnstitutu) aparıcı mütəxəssis vəzifəsinə işə götürülüb.

İqtisadiyyat Nazirliyinin İqtisadi Elmi Tədqiqat İnstitutunun İstehsal sahələri şöbəsində aparıcı elmi işçi vəzifəsində çalışıb.

1996-cı ildən ölkə mətbuatında iqtisadi mövzuda məqalələrlə çıxış edir. 3000-dən çox analitik və bir neçə elmi məqalənin müəllifidir.

2007-ci ilin mart ayından Azərbaycan Jurnalistlər Birliyinin üzvüdür. 

Prezident İlham Əliyevin 21 oktyabr 2014-cü il tarixli Sərəncamı ilə Azərbaycan iqtisadiyyatının inkişafında xidmətlərinə görə “Tərəqqi” medalı ilə təltif edilib.

Xatırladaq ki, P. Heydərov hərəkət məhdudiyyətli olub və həyatını əlil arabasında keçirib.