Qazaxıstan və Polşa Orta Dəhlizin inkişafı üzrə əməkdaşlığı inkişaf etdirir

Trans-Xəzər Beynəlxalq Nəqliyyat Marşrutunun (Orta Dəhliz) infrastrukturunun inkişafı Qazaxıstan Xarici İşlər Nazirliyinin İnvestisiya Komitəsinin sədri Qabidulla Ospankulovun Polşaya səfəri zamanı danışıqların əsas mövzusu olub.

Avtosfer.az "AZƏRTAC"a istinadla xəbər verir ki, Polşanın işgüzar dairələri ilə keçirilən görüşlərdə logistika məsələlərinə xüsusi diqqət yetirilib.

Polşanın “Trans Rach” şirkətinin baş direktoru Marta Laqod ilə danışıqlar zamanı hər iki istiqamətdə malların çatdırılma müddətlərinin azaldılması üçün elektron növbənin yaradılması məsələləri müzakirə olunub.

Orta Dəhliz kimi də tanınan Trans-Xəzər Beynəlxalq Nəqliyyat Marşrutu Qazaxıstan, Xəzər dənizi, Azərbaycan, Gürcüstan və Türkiyə vasitəsilə Çin ilə Avropa ölkələrini birləşdirir.