Rəşad Nəbiyev Sabirabadda vətəndaşları qəbul edəcək

Noyabrın 17-də, saat 09:30-da rəqəmsal inkişaf və nəqliyyat naziri Rəşad Nəbiyev Sabirabad şəhərində yerləşən Telekommunikasiya Qovşağında Saatlı, İmişli, Sabirabad rayonlarının sakinlərini qəbul edəcək.

Bu barədə Avtosfer.az-a nazirlikdən məlumat verilib.

Bildirilib ki, nazir bu bölgələrdə göstərilən nəqliyyat, telekommunikasiya, o cümlədən internet, teleradio yayımı və poçt xidmətləri sahələrində əhalini maraqlandıran məsələlərlə bağlı vətəndaşları dinləyəcək.

Qəbula noyabrın 16-na qədər nazirliyin saytı, Çağrı mərkəzi (1655) və elektron poçtu ([email protected]), 010 250 48 48 və 012 598 58 58 (daxili 222 və 290) nömrəli telefonlar vasitəsilə yazılmaq mümkündür.