Rövşən Mirzəyev: "Astara terminalının yenilənməsi və körpü qurulması prosesi yekunlaşmaq üzrədir"

"Astara-Rəşt yolunun maliyyələşdirilməsində kiçik problemlər var, bu istiqamətdə tərəflər arasında danışıqlar gedir".

Avtosfer.az xəbər verir ki, bunu Azərbaycan Xarici İşlər Nazirliyi (XİN) İqtisadi Əməkdaşlıq İdarəsinin rəisinin müavini Rövşən Mirzəyev "Azərbaycan və İqtisadi Əməkdaşlıq Təşkilatı (İƏT): İmkanlar və perspektivlər" mövzusunda keçirilən tədbirdə sual-cavab sessiyasında deyib.

Rövşən Mirzəyev bildirib ki, Astara terminalının yenilənməsi və körpü qurulması prosesi yekunlaşmaq üzrədir:

"Trans-Xəzər nəqliyyat marşrutu Azərbaycanın təşviq etdiyi əsas yoldur. Digər istiqamət isə Şimal-Cənub Nəqliyyat Dəhlizidir. Astara terminalının yenilənməsi və körpü qurulması prosesi yekunlaşmaq üzrədir. Astara-Rəşt yolunun maliyyələşdirilməsində isə kiçik problemlər var və bu istiqamətdə tərəflər arasında danışıqlar gedir".