Sərnişinlər bu marşrutun fəaliyyətindən narazıdırlar - VİDEO

“Koroğlu” metrostansiyasından Bilgəh qəsəbəsinə sərnişin daşıyan 150 nömrəli marşrut avtobuslarının fəaliyyəti sakinlərin narazılığına səbəb olub.

Avtosfer.az xəbər verir ki, sərnişinlər deyirlər ki, bu avtobusların tutumu azdır, tələbatı ödəyə bilmir. Çünki istiqamət uzun, sərnişin isə çoxdur.

Həftəsonu olmasına baxmayaraq, sakinlər dayanacaqlarda yenə də avtobus gözləməli olduqlarını deyirlər.

Bəs bu istiqamətdə iritutumlu avtobusların xəttə buraxılması nəzərdə tutulurmu?

"BakuBus" MMC-nin sözçüsü Əsmər Əliyeva bildirdi ki, avtobusların marşrut xəttinə buraxılması sərnişin tələbatına uyğun şəkildə tənzimlənir.

 Onun sözlərinə görə, sərnişin axını və tələbat mütəmadi olaraq nəzarət altındadır.