Şərq-Qərb nəqliyyat dəhlizi ilə 4 milyon tona yaxın yük daşınıb

2026-cı ilin yanvar-mart aylarında nəqliyyat dəhlizlərində dəmir yolu nəqliyyatı ilə 3 milyon 407 min ton, dəniz nəqliyyatı ilə 1 milyon 391,8 min ton və avtomobil nəqliyyatı ilə 2 milyon 705,2 min ton yük daşınıb. Avtosfer.az Dövlət Statistika Komitəsinə istinadən xəbər verir ki, Şərq-Qərb nəqliyyat dəhlizi ilə daşınan yüklərin həcmi 3 milyon 863,3 min ton, o cümlədən Avropa-Qafqaz-Asiya nəqliyyat dəhlizi ilə 1 milyon 853,9 min ton, Şimal-Cənub nəqliyyat dəhlizi ilə 2 milyon 265,2 min ton, Şimal-Qərb nəqliyyat dəhlizi ilə 1 milyon 265,6 min ton, Cənub-Qərb nəqliyyat dəhlizi ilə daşınan yüklərin həcmi isə 109,9 min ton təşkil edib. Dəmir yolu nəqliyyatı ilə daşınan yüklərin 44,3 faizini, avtomobil nəqliyyatı ilə daşınan yüklərin 48,8 faizini, dəniz nəqliyyatı ilə daşınan yüklərin 89,4 faizini tranzit yüklər təşkil edib.