Şirvan suvarma kanalının yenidən qurulması ilə bağlı iclas keçirilib - FOTO

Bu gün ADSEA yanında Suların İstifadəsinə və Mühafizəsinə Dövlət Nəzarəti Xidmətinin inzibati binasında Şirvan suvarma kanalının yenidən qurulması üzrə İşçi qrupunun növbəti iclası keçirilib.

Avtosfer.az xəbər verir ki, iclasda Prezident İlham Əliyevin müvafiq Sərəncamından irəli gələn məsələlər, tikinti-quraşdırma işlərinin gedişi və aidiyyəti qurumlar arasında koordinasiya müzakirə olunub.

Görüşdə layihənin hazırkı vəziyyəti, qarşıya çıxan çətinliklər və onların həlli istiqamətində görülən tədbirlər nəzərdən keçirilib. İşçi qrupunun rəhbəri Rafiq Aslanov və aidiyyəti qurumların nümayəndələri fikir və təkliflərini səsləndiriblər.

Sonda işlərin təsdiq edilmiş qrafikə uyğun davam etdirilməsi, mövcud problemlərin operativ həlli və layihədəki çatışmazlıqların aradan qaldırılması ilə bağlı tapşırıqlar verilib.