Türk Hava Yolları bu sərnişinləri CƏRİMƏLƏYƏCƏK

Artıq “Türk Hava Yolları”nın (Turkish Airlines) sərnişinləri “Təhlükəsizlik kəmərini bağlayın” işarəsi söndürülməmiş yerlərini tərk etdiklərinə görə inzibati cərimələr ödəməli olacaqlar.
Avtosfer.az xəbər verir ki, yeni qaydalar Türkiyə Mülki Aviasiya Baş İdarəsinin təlimatında bildirilib.
Türk Hava Yolları artıq öz stüardessalarını yeni qaydalar barədə sərnişinləri məlumatlandırmağa xüsusi diqqət yetirməyə çağırıb.
Türk Hava Yollarının sözçüsü Türkiyə mətbuatına bildirib ki, yeni qaydalar təkcə intizam tədbiri deyil, həm də sərnişinlərin təhlükəsizliyinə birbaşa təsir edən addımdır.
Hərəkət edən təyyarələrdə baqaj bölmələrinin qalxması və ya açılması əvvəllər qəzaların və xəsarətlərin ümumi səbəbi olub (Bizim.Media).