Xırdalan-Sumqayıt marşrutu üzrə qatarların hərəkəti nə vaxt bərpa olunacaq? - VİDEO

Xırdalan-Sumqayıt xətti üzrə qatarların hərəkəti hələ də bərpa olunmayıb... Halbuki bir müddət əvvəl həmin ərazidə işlərin yekunlaşdığı və sərnişin qatarının yeni tədris ili ərəfəsində fəaliyyətini bərpa edəcəyi bildirilmişdi.

Avtosfer.az "Xəzər" TV-yə istinadən xəbər verir ki, sakinlərin sözlərinə görə, Xırdalan-Sumqayıt dəmir yolu marşrutu üzrə qatarların hərəkətinin bərpası onların gündəlik həyatını xeyli asanlaşdırar.

Onlar bildirirlər ki, bu marşrutun yenidən istifadəyə verilməsi həm Sumqayıtdan Bakıya, həm də Xırdalandan Sumqayıta səfər edən sərnişinlərin yol problemini yüngülləşdirər, vaxta qənaət etmələrinə imkan yaradar:

"Azərbaycan Dəmir Yolları" QSC-dən bildirilib ki, dəmir yolu infrastrukturunun vəziyyəti xüsusi diaqnostika qatarı vasitəsilə mütəmadi yoxlanılır. Xırdalan-Biləcəri sahəsində yerləşən körpüdə də qüsurlar aşkarlanıb:

O da qeyd edilib ki, körpüdə işlər başa çatdıqdan sonra Xırdalan-Sumqayıt marşrutu üzrə sərnişindaşıma yenidən həyata keçiriləcək.