Belə zolağı olan yollarda diqqətli olun: Cərimə oluna bilərsiniz - VİDEO

Yolda hərəkət edən sürücülərin əksəriyyəti sürətlənmə və tormozlama zolağından istifadə qaydalarını bilmirlər. Bu zolaqların mahiyyəti ondan ibarətdir ki, yola daxil olan və ya yoldan çıxan nəqliyyat vasitələrinin sürücüləri hərəkət olan zolaqlardakı avtomobillərə təhlükə yaratmasın.

“Yol hərəkəti haqqında” qanunda qeyd olunub ki, sürətlənmə zolağı olduqda sürücü həmin zolaqla getməli və bu yolla gedən nəqliyyat vasitələrinə yol verərək qonşu zolağa keçməlidir.

Qeydə alınmış videodan da aydın şəkildə görünür ki, əsas yola daxil olan "KIA" markalı avtomobilin sürücüsü sürətlənmə zolağından düzgün istifadə etməyərək əsas yola daxil olub. Bu zaman görüntünü qeydə alan avtomobilə təhlükə yaradıb.

Qeyd edək ki, bu qayda pozuntusunu törədən sürücülər İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilər.

Fərid