Bu yol qovşağında zolaq dəyişmək qəzaya səbəb ola bilər – XƏBƏRDARLIQ – VİDEO

Bakının bəzi yol qovşaqlarında zolaq dəyişmə qaydalarına əməl olunmaması yol-nəqliyyat hadisəsi riskini artıran əsas amillərdən biri olaraq qalır. Xüsusilə sürücülərin son anda zolaq dəyişməsi digər hərəkət iştirakçıları üçün təhlükəli vəziyyət yaradır.
Avtosfer.az xəbər verir ki, bu fikirləri qəza əleyhinə sürücülük kurslarının məşqçisi Aqil Rəhimov səsləndirib.
Onun sözlərinə görə, Heydər Əliyev prospektində ikinci dərəcəli yoldan əsas yola çıxış hissəsində sürücülərin bir qismi zolaq seçimi qaydalarına əməl etmir. Nəticədə şəhər istiqamətində hərəkət edən avtomobillərin qarşısına qəfil çıxaraq soldan sağa zolaq dəyişirlər.
Aqil Rəhimov bildirib ki, bu ərazidə hərəkət edərkən ehtiyatlı olmaq vacibdir. Sürücülər həmin hissəyə yaxınlaşarkən mümkün təhlükəni nəzərə almalı, sürəti və hərəkəti vəziyyətə uyğun tənzimləməlidirlər.
Özü də həmin yol hissəsindən keçərkən digər sürücülərin qəfil zolaq dəyişəcəyini ehtimal etdiyi üçün əvvəlcədən əyləcə hazır vəziyyətdə olur. Belə ehtiyat tədbiri mümkün toqquşmaların qarşısını almağa kömək edir.
Məşqçi vurğulayıb ki, yol hərəkəti qaydalarına uyğun olaraq hər bir sürücü seçdiyi zolaq üzrə hərəkət etməli, zolaq dəyişərkən isə digər nəqliyyat vasitələrinə maneə yaratmamalıdır. O, sürücülərə bu ərazidə xüsusilə diqqətli olmağı və müdafiəedici sürücülük prinsiplərinə əməl etməyi tövsiyə edib.
Eltac Zülfüqaroğlu
Avtomobili utilizasiyaya verənlərin diqqətinə - Yeni ödəniş forması belə olacaq - AÇIQLAMA
Soyuq havada sürücülər qızdırıcını hansı rejimdə işlətməlidir? – ARAŞDIRMA
Avtomobilin lyukuna yaxın məsafədən su vurularsa, nə baş verər? – XƏBƏRDARLIQ – VİDEO
Avtomobildə telefonu tutacağa yerləşdirib xəritədən istifadə etmək olarmı? – AÇIQLAMA - VİDEO
Bakıda piyadaların üzləşdiyi təhlükə ilə bağlı DİN-dən AÇIQLAMA - VİDEO
Sürücü telefona baxdığı 2 saniyədə avtomobili nə qədər idarə edir? – VİDEO
Yağıntılı havada avtomobilin arxası sürüşərsə nə etmək lazımdır? - AÇIQLAMA
“STOP” nişanına görə cərimələnməmək üçün nə etmək lazımdır? – TÖVSİYƏ - VİDEO
Sürücülərin nəzərinə! - Avtomobil yollarında vəziyyət AÇIQLANDI
Dəmir yollarında təhlükəsizlik məsələsi necə həll oluna bilər? – DEPUTAT - VİDEO
Sürücülük vəsiqəsinin vaxtı keçən sürücünü hansı cərimə gözləyir – QANUN NƏ DEYİR? – VİDEO












