Qəza törədib hadisə yerindən yayınan bu sürücülər HƏBS OLUNACAQ - VİDEO

Qəza törədərək hadisə yerindən yayınan sürücülər aşkar edildikdə məsuliyyətə cəlb olunurlar. Xüsusilə insan sağlamlığına zərər vurulduqda qanunvericiliklə daha da ciddi məsuliyyət nəzərdə tutulur.

Avtosfer.az xəbər verir ki, əgər yol-nəqliyyat hadisəsi nəticəsində zərərçəkmişin sağlamlığına az ağır və ya ağır zərər dəyibsə, hadisə yerindən qaçan sürücü cinayət məsuliyyətinə cəlb edilir. Cinayət Məcəlləsinin 264-cü maddəsində qeyd olunub ki, yol-nəqliyyat hadisəsi törədərək ehtiyatsızlıqdan zərərçəkmiş şəxsin sağlamlığına az ağır və ya ağır zərər vuraraq hadisə yerindən yayınan sürücü

üç ilədək müddətə nəqliyyat vasitəsini idarə etmək hüququndan məhrum edilməklə iki ilədək müddətə azadlığın məhdudlaşdırılması və ya iki ilədək müddətə azadlıqdan məhrum etmə ilə cəzalandırılır.

Bəzən sürücülər məsuliyyətdən yayınmaq məqsədilə hadisə yerini tərk edirlər. Lakin bu, vəziyyəti daha da ağırlaşdırır və qanun qarşısında cəzanın sərtləşməsinə gətirib çıxarır.

Sürücülərə bildiririk ki, yol-nəqliyyat hadisəsi baş verdiyi halda, hadisə yerindən qaçmaq əvəzinə dərhal təcili yardım və polisə məlumat verilməli, zərərçəkənə ilkin yardım göstərilməlidir.

Fərid