Qəzaların əsas səbəbləri açıqlandı – İnfrastruktur, yoxsa sürücülər? – VİDEO

Yol hərəkətinin təşkili ilə bağlı müəyyən çatışmazlıqların mövcud olduğunu bildirən qəza əleyhinə kursların məşqçisi Aqil Rəhimov hesab edir ki, baş verən yol-nəqliyyat hadisələrinin əsas səbəbi infrastruktur deyil, insan amilidir.
Avtosfer.az xəbər verir ki, “İctimai TV”nin efirində çıxış edən Aqil Rəhimov bildirib ki, bəzi yollarda nişanlanma və yol cizgiləri ilə bağlı nöqsanlar müşahidə olunur. Bu cür çatışmazlıqlar təhlükəsizlik baxımından əlavə risk yarada bilər. Lakin bütün bunlara baxmayaraq, qəzaların əsas səbəbi sürücülərin davranışıdır.
Məşqçi qeyd edib ki, sürətin düzgün seçilməməsi yol-nəqliyyat hadisələrinə səbəb olan əsas amillərdən biridir. Bu, həm icazə veriləndən yüksək sürətlə hərəkət etmək, həm də nəqliyyat axınına uyğun olmayan həddən artıq aşağı sürətlə hərəkət etməkdir.
Aqressiv sürücülər və sürücülük mədəniyyətinin aşağı olması da qəza riskini artıran əsas faktorlardandır. O vurğulayıb ki, mədəni sürücü yol hərəkəti qaydalarına riayət edir, digər hərəkət iştirakçılarına hörmətlə yanaşır və təhlükəsizliyi ön planda tutur.
Aqil Rəhimov sürücüləri üç qrupa ayırdığını da bildirib. Sürücülərin təxminən 50-60 faizi qaydalara riayət etməyə çalışan məsuliyyətli şəxslərdir. Təxminən 20 faiz sürücü aqressiv davranışı və qayda pozuntularına meyli ilə seçilir. Qalan 30 faiz isə şəraitdən asılı olaraq davranışını dəyişir və mənfi təsirlərə məruz qala bilir.
Bu kateqoriyaya aid sürücülərin düzgün istiqamətləndirilməsi üçün maarifləndirmə işləri mühüm əhəmiyyət daşıyır. Yol hərəkəti təhlükəsizliyinin təmin edilməsində maarifləndirmə tədbirlərinin və bu sahədə yol polisinin fəaliyyətinin xüsusi rolu var.
Eltac Zülfüqaroğlu
Avtomobili utilizasiyaya verənlərin diqqətinə - Yeni ödəniş forması belə olacaq - AÇIQLAMA
Soyuq havada sürücülər qızdırıcını hansı rejimdə işlətməlidir? – ARAŞDIRMA
Avtomobilin lyukuna yaxın məsafədən su vurularsa, nə baş verər? – XƏBƏRDARLIQ – VİDEO
Avtomobildə telefonu tutacağa yerləşdirib xəritədən istifadə etmək olarmı? – AÇIQLAMA - VİDEO
Bakıda piyadaların üzləşdiyi təhlükə ilə bağlı DİN-dən AÇIQLAMA - VİDEO
Sürücü telefona baxdığı 2 saniyədə avtomobili nə qədər idarə edir? – VİDEO
Yağıntılı havada avtomobilin arxası sürüşərsə nə etmək lazımdır? - AÇIQLAMA
“STOP” nişanına görə cərimələnməmək üçün nə etmək lazımdır? – TÖVSİYƏ - VİDEO
Sürücülərin nəzərinə! - Avtomobil yollarında vəziyyət AÇIQLANDI
Dəmir yollarında təhlükəsizlik məsələsi necə həll oluna bilər? – DEPUTAT - VİDEO
Sürücülük vəsiqəsinin vaxtı keçən sürücünü hansı cərimə gözləyir – QANUN NƏ DEYİR? – VİDEO












