Sükan arxasında telefona 3 saniyə diqqət etmək qəzaya səbəb ola bilər – MÜTƏXƏSSİS - VİDEO

Sürücülərin sükan arxasında telefon istifadəsi ciddi təhlükə mənbəyi olaraq qalır.

Avtosfer.az xəbər verir ki, qəza əleyhinə kursların məşqçisi Aqil Rəhimov “Avto FM”in efirində mövzu ilə bağlı sürücülərə mühüm xəbərdarlıq edib.
Aqil Rəhimov bildirib ki, bəzi sürücülər sükan arxasında telefonla danışmaqla yanaşı, mesaj yazmaq və oxumaqla da risk yaradırlar:

Onun sözlərinə görə, mesajı oxumaq üçün cəmi 3–4 saniyə ekrana baxmaq kifayətdir ki, önünüzə piyada çıxsın və ya başqa avtomobil ilə toqquşma baş versin.
Mesaj yazanlar və oxuyanlar bu riski bəzən nəzərə almır.

O, xüsusilə gəncləri xəbərdar edərək bildirib ki, telefon ekranına baxmaqla ani diqqət yayınıqlığı yaradır və nəticədə ciddi xəsarətlər və ya ölüm hadisələri baş verə bilər. Aqil Rəhimov sürücüləri sükan arxasında məsuliyyətli olmağa və telefon istifadəsini tamamilə dayandırmağa çağırıb, bunun həm öz həyatlarını, həm də digər insanların həyatını qoruyacağını vurğulayıb.

Eltac Zülfüqaroğlu