Sürücülərin diqqətinə; Bu yolda sol zolaqla hərəkət etmək qəzaya səbəb ola bilər - VİDEO

Paytaxt yollarında bir çox hallarda sürücülərin birtərəfli yollarda zolaq seçimində səhlənkarlıq etməsi müşahidə olunur. Xüsusilə yeni sürücülər belə yollarda istənilən zolağı seçməkdə təhlükə görmürlər. Lakin bu, real qəza riskləri yaradır.

Avtosfer.az xəbər verir ki, qəza əleyhinə kursların məşqçisi Aqil Rəhimov mövzu ilə bağlı öz sosial şəbəkə hesabında paylaşıb edib. O bildirib ki, bir tərəfli yolda olmağınıza baxmayaraq, istənilən zolaqda rahat hərəkət etmək doğru deyil:

“Bu, Bakı Dəmiryol Vağzalının arxasındakı yoldur (Xətai prospektini nəzərdə tutur). Birtərəfli hərəkət təşkil olunur. Yeni sürənlər fikirləşə bilər ki, burada heç bir xəta yoxdur, istənilən zolağı tutum, qabaqdan maşın gəlməyəcək ki. Amma skuter gələ bilər, moped gələ bilər, hətta maşın da gələ bilər. Bir fikir verin,  bu avtomobilin sürücüsü əks istiqamətdə gəlir. Ona görə döngələrdə, bir tərəfli yollarda belə sağ zolağı tutun”.

Eltac Zülfüqaroğlu