Sürücülərin diqqətinə; İkinci əl maşın alarkən bu qaydaları bilməyiniz mütləqdir - ARAŞDIRMA

Avtomobilini satmaq istəyənlərin qarşısında duran əsas suallardan biri hansı vaxtda bu addımı atmağın sərfəli olmasıdır.

Avtosfer.az xəbər verir ki, mütəxəssislər yanlış qərar verənlərin ciddi maliyyə itkiləri ilə üzləşə biləkləri ilə bağlı xəbərdarlıq edir.

Avtomobilin yaşı və yürüşü ikinci əl bazarında dəyəri müəyyən edən ən vacib amillərdəndir. İlk üç-beş il ərzində maşın hələ zəmanət altında olduğundan ucuz başa gəlir, lakin məhz bu dövr ərzində avtomobil daha sürətli dəyər itirir. Mütəxəssislər bildirirlər ki, yalnız üç il ərzində avtomobil ilkin qiymətinin yarısını itirə bilər. Bu səbəbdən də ilk illərdə satış çox vaxt sərfəli hesab olunmur.

İşlənmiş avtomobilin satışı üçün ən əlverişli dövr beş-səkkiz yaş aralığıdır. Bu mərhələdə avtomobil hələ böyük nasazlıqlardan uzaq olur və bazarda dəyərini müəyyən qədər qoruyur. Belə vəziyyətdə satıcı münasib qiymət qazana bilir, alıcı isə sərfəli variant əldə etmiş olur.

Bununla yanaşı, mühüm məqamlardan biri də avtomobilin yürüşüdür. Xüsusilə 150 min kilometrlik həddi keçdikdən sonra texniki xidmət və təmir xərcləri kəskin artır. Transmissiya, katalitik çevirici və elektron sistemlərdə baş verən nasazlıqlar bəzən avtomobilin ümumi dəyərinin yarısına qədər xərclə nəticələnə bilər. Bu problem daha çox səkkiz ildən köhnə avtomobillərdə özünü göstərir.

Paslanma məsələsi də avtomobil sahiblərinin diqqətindən yayınmamalıdır. Çünki pas problemi təkcə köhnə avtomobillərdə deyil, nisbətən yeni modellərdə də rast gəlinir. Ekspertlər qeyd edirlər ki, bədən mumlaması yalnız müvəqqəti həll yoludur. Ən təsirli üsul isə kuzova qoruyucu plyonka vurulmasıdır. Bu, avtomobilin ömrünü uzatmaqla yanaşı, onun satış zamanı bazarda daha cəlbedici görünməsinə kömək edir.

Beləliklə, avtomobilini satmaq istəyənlər vaxtında düzgün qərar verməsələr, həm alıcı tapmaqda çətinlik çəkə, həm də əlavə xərclərlə üzləşə bilərlər.

Eltac Zülfüqaroğlu