Yoldakı nasazlığa görə avtomobilə dəyən zərər ödənilməlidir? – EKSPERT – VİDEO

Yollardakı çuxurlar və digər infrastruktur nasazlıqları sürücülər üçün ciddi problemlər yaradır. Bəzən sürücü bütün yol hərəkəti qaydalarına əməl etsə belə, yolun yararsız vəziyyətdə olması səbəbindən avtomobilinə zərər dəyə bilər. Belə hallarda dəymiş zərərin aidiyyəti qurum tərəfindən ödənilməsi məsələsi gündəmə gəlir.
Avtosfer.az xəbər verir ki, nəqliyyat eksperti Rüfət Əmiraslanov bu barədə “ASAN TV”nin efirində danışıb.
Ekspert bildirib ki, belə hadisə baş verdikdə sürücü ilk növbədə yolun vəziyyətini, avtomobilə dəyən zərəri foto və ya video görüntülərlə qeydə almalıdır. Eyni zamanda, hadisə ilə bağlı polisə müraciət etməli, dəymiş zərərin məbləğini təsdiqləyən sənədləri və digər sübutları toplamalıdır.
Növbəti mərhələdə yolun kimə məxsus olmasından və onun saxlanılmasına kimin cavabdeh olmasından asılı olaraq müvafiq quruma müraciət edilməlidir. Bu, Azərbaycan Avtomobil Yolları Dövlət Agentliyi (AAYDA), yerli icra hakimiyyəti orqanı, bələdiyyə və ya özəl yolun mülkiyyətçisi ola bilər.
Rüfət Əmiraslanov qeyd edib ki, yol infrastrukturundakı nasazlıqla avtomobilə dəymiş zərər arasında səbəbli əlaqə sübut olunarsa və müvafiq qurumun hüquqi məsuliyyəti müəyyən edilərsə, vətəndaş qanunvericiliyə uyğun olaraq zərərin ödənilməsini tələb edə bilər. Məsələ qarşılıqlı razılıq əsasında həll edilmədikdə isə məhkəməyə müraciət etmək hüququ var.
Ekspertin fikrincə, burada əsas məqsəd yalnız avtomobil sahibinə dəymiş maddi zərərin kompensasiya edilməsi deyil, həm də yollardakı təhlükəli vəziyyətin vaxtında aradan qaldırılmasıdır. Bu, gələcəkdə analoji hadisələrin və yol-nəqliyyat hadisələrinin qarşısının alınması baxımından da əhəmiyyətlidir.
Eltac Zülfüqaroğlu
Azərbaycanda yol tikintisinə yeni yanaşma lazımdır: Britaniya TƏCRÜBƏSİ
Avtomobili utilizasiyaya verənlərin diqqətinə - Yeni ödəniş forması belə olacaq - AÇIQLAMA
Soyuq havada sürücülər qızdırıcını hansı rejimdə işlətməlidir? – ARAŞDIRMA
Avtomobilin lyukuna yaxın məsafədən su vurularsa, nə baş verər? – XƏBƏRDARLIQ – VİDEO
Avtomobildə telefonu tutacağa yerləşdirib xəritədən istifadə etmək olarmı? – AÇIQLAMA - VİDEO
Bakıda piyadaların üzləşdiyi təhlükə ilə bağlı DİN-dən AÇIQLAMA - VİDEO
Sürücü telefona baxdığı 2 saniyədə avtomobili nə qədər idarə edir? – VİDEO
Yağıntılı havada avtomobilin arxası sürüşərsə nə etmək lazımdır? - AÇIQLAMA
“STOP” nişanına görə cərimələnməmək üçün nə etmək lazımdır? – TÖVSİYƏ - VİDEO
Sürücülərin nəzərinə! - Avtomobil yollarında vəziyyət AÇIQLANDI
Dəmir yollarında təhlükəsizlik məsələsi necə həll oluna bilər? – DEPUTAT - VİDEO












