Yolun ortasındakı kollar qəza riskini artırır – XƏBƏRDARLIQ - VİDEO

Bəzi küçələrdə yolun ortasında yerləşdirilən yaşıllıqlar sürücülər üçün gözlənilməz təhlükə yarada bilər. Xüsusilə həmin kolların arxasından yola çıxan piyadanı əvvəlcədən görmək mümkün olmadıqda qəza riski artır.

Avtosfer.az xəbər verir ki, qəza əleyhinə sürücülük kurslarının məşqçisi Aqil Rəhimov sosial şəbəkədə paylaşdığı görüntülərlə bu məsələyə diqqət çəkib.

Mütəxəssis bildirib ki, Əhməd Rəcəbli küçəsi də daxil olmaqla bəzi yollarda hərəkət hissəsinin ortasında yerləşən kollar piyadaların görünməsinə mane olur. Kolların aşağı hissəsinin yumru olması səbəbindən onların arxasında dayanan şəxsin nə özü, nə də ayaqları sürücüyə görünür.

Belə ərazilərdə xüsusilə diqqətli olmağı tövsiyə edib. Məcburən sol zolaqda hərəkət edən sürücü sürəti azaltmalıdır. Əgər yol bir neçə zolaqlıdırsa və imkan varsa, sol zolaqdan istifadə etməmək daha təhlükəsizdir.

Aqil Rəhimov edib ki, əsas məqsəd piyadanın mümkün səhvini əvvəlcədən nəzərə almaq və qəfil yola çıxan şəxslə toqquşma riskini minimuma endirməkdir.

Eltac Zülfüqaroğlu