Ara küçədən çıxan sürücü qəza şəraiti yaratdı - 77-GH-205 - VİDEO

Gəncə şəhərində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə bir müddət əvvəl səhər saatlarında Mirzə Abbas Abbaszadə küçəsində qeydə alınıb. Belə ki, ara küçədən çıxan 77-GH-205 dövlət nömrə nişanlı “Mercedes” markalı avtomobilin sürücüsü əsas yolda hərəkətdə olan nəqliyyat vasitəsinə yol vermədən hərəkətini davam etdirib. Nəticədə görüntünü qeydə alan avtomobil üçün qəza şəraiti yaranıb. Həmin avtomobilin sürücüsü vaxtında tədbir görərək baş verəcək toqquşmanın qarşısını alıb.

Qeyd edək ki, yolayrıcına daxil olarkən sürücülər yol nişanlarının tələblərinə və yolayrıcından keçmə qaydalarına əməl etməlidirlər. İkinci dərəcəli yoldan baş yola çıxan sürücü baş yolda hərəkət edən nəqliyyat vasitələrinə yol verməlidir.

Nərmin