Avtobusun arxasından qəfil çıxan sürücü az qala qəzaya səbəb olacaqdı - VİDEO

Abşeron rayonunun Saray qəsəbəsində kobud qayda pozan sürücü kameraya düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb.

Belə ki, ara küçədən çıxan 01-AA-131 dövlət qeydiyyat nişanlı “Chevrolet” markalı avtomobilin sürücüsü əks istiqamətdə hərəkətdə olan avtomobilə məhəl qoymadan manevr edib. Nəticədə görüntünü qeydə alan avtomobil üçün qəza şəraiti yaranıb.

Xoşbəxtlikdən, təhlükə ilə üzləşən sürücü ehtiyatlı davranaraq toqquşmanın qarşısını ala bilib.

Kadrlardan görünür ki, “Chevrolet”in sürücüsü dayanmış avtobusun arxasından qəfil çıxaraq dönməzdən əvvəl yola lazımi diqqət yetirməyib.

Belə halların qarşısını almaq üçün sürücülər manevr zamanı yolu və digər hərəkət iştirakçılarını diqqətlə nəzərdən keçirməlidirlər.

Nərmin