Avtomobili belə park etmək CƏRİMƏYƏ SƏBƏB OLUR – FOTO

Paytaxtın Xətai rayonunda piyadaların hərəkətinə maneə yaradan sürücünün fotoları sosial şəbəkələrdə yayılıb.

Avtosfer.az xəbər verir ki, hadisə Nəcəfqulu Rəfiyev küçəsində qeydə alınıb.

Belə ki, "GAC" markalı, 68-CA-314 dövlət qeydiyyat nişanlı avtomobilin sürücüsü nəqliyyat vasitəsini birbaşa piyada keçidinin üzərində saxlayıb. Bu hərəkət nəticəsində piyadalar yolu keçməkdə çətinlik çəkiblər və təhlükəli vəziyyət yaranıb. 

Digər nəqliyyat vasitəsi, 90-UO-143 nömrə nişanlı “Ford” markalı avtomobilin idarəçisi də maşını keçidin üzərində saxlamasa da, ona bitişik park etdiyi üçün qaydaları pozub. Yolların kəsişmə hissəsində və arakəsmələrdə, eləcə də piyada keçidlərinin yaxınlığında bu cür avtomobil parklanması qanunla qadağandır. Bu kimi hallara görə sürücülər inzibati qaydada cərimə olunurlar.

Eltac Zülfüqaroğlu