Bakıda sürücü yol verməyən maşını sıxışdırdı, önünə keçib qəfil tormoz verdi - VİDEO

Paytaxtın Füzuli küçəsində sürücünün təhlükəli hərəkətləri kameraya düşüb.

Avtosfer.az-a görüntüləri göndərən izləyicinin sözlərinə görə, hadisə avqustun 4-də saat 08:00 radələrində baş verib.

Kadrlardan görünür ki, 90-RM-022 dövlət qeydiyyat nişanlı “Mercedes” markalı avtomobilin sürücüsü sol zolaqda hərəkətdə olarkən sağdakı nəqliyyat vasitəsini bir neçə dəfə sıxışdırır. Təhlükə ilə üzləşən digər sürücü sağa manevr edərək toqquşmanın qarşısını alır.

Bundan sonra “Mercedes” sürücüsü həmin avtomobilin qarşısına keçərək qəfil tormozlayır və yenidən qəza şəraiti yaradır.

Şikayətçinin sözlərinə görə, “Mercedes”in sürücüsü hadisədən əvvəl bir neçə dəfə ondan yol istəyib. O, yol vermədikdən sonra sürücünün bu cür təhlükəli manevrlərə əl atdığını bildirib.

Nərmin