Bu küçədə ikinci zolaq daimi parkinqə çevrilib - Sürücülər NARAZIDIR - VİDEO

Paytaxtın Nərimanov rayonu, Əbdüləzəl Dəmirçizadə küçəsində kütləvi qayda pozan sürücülər görüntülənib.

Bununla bağlı izləyicilərdən biri Avtosfer.az-ın “WhatsApp” ünvanına video göndərərək məlumat verib.

Görüntüdən aydın olur ki, 99-EE-876 dövlət nömrə nişanlı “Mercedes” markalı, 77-YK-886 dövlət nömrə nişanlı “Baic” markalı, 77-HY-563 dövlət nömrə nişanlı “VAZ-2107” markalı, 77-MX-366 dövlət nömrə nişanlı “Mazda” markalı, 90-TK-921 dövlət nömrə nişanlı “Nissan” markalı, 77-NS-337 dövlət nömrə nişanlı “Nissan” markalı, 77-VG-994 dövlət nömrə nişanlı “Changan” markalı, 10-VR-046 dövlət nömrə nişanlı “Toyota” markalı, “BYD” markalı, 10-VD-016 dövlət nömrə nişanlı “Toyota” markalı və 10-FQ-505 dövlət nömrə nişanlı “Deepal” markalı avtomobillərin sürücüləri nəqliyyat vasitələrini ikinci zolaqda park ediblər.

Şikayətçinin sölərinə görə, sözügedən küçədə  hər gün eyni mənzərə ilə qarşılaşırlar. Belə ki, yaxınlıqda məktəbin yerləşməsi səbəbindən qayda pozanların böyük hissəsi övladlarını məktəbdən götürməyə gələn valideynlərdir. Bu isə yolda dəqiqələrlə tıxac yaradır və hərəkəti çətinləşdirir.

Nərmin