Bu yolda hər an qəza ola bilər: Svetofor görünmür - VİDEO

Bakıda svetoforun görünməməsi ilə bağlı sürücülərdən biri redaksiyamızın qaynar xəttinə şikayət ünvanlayıb. Avtosfer.az xəbər verir ki, söhbət paytaxtın Səməd Vurğun küçəsilə Yusif Vəzir Çəmənzəminli küçəsinin kəsişməsindən ("Olimpik Star"ın qarşısından) gedir.

Belə ki, yolayrıcına quraşdırılmış svetofor obyekti tam olaraq ağacın arxasında qaldığı üçün görünməz vəziyyətdədir. Həmin yoldan az-az istifadə edən sürücülər orada svetoforun olmasından xəbərsizdirlər. Bu səbəbdən yolayrıcına yaxınlaşan zaman təhlükə ilə üz-üzə qalırlar.

Videogörüntünü qeydə alan sürücü aidiyyəti qurumlardan həmin svetoforun görünən yerə quraşdırılmasını xahiş edir.

Fərid