Dairədəki avtomobilə yol verməyib qəza şəraiti yaratdı - 10-DJ-014 - VİDEO

Paytaxtın Nərimanov rayonu, Albert Aqarunov və Zaur Nudirəliyev küçələrinin kəsişməsində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə iyulun 7-də saat 09:20 radələrində qeydə alınıb. Kadrlardan görünür ki, 10-DJ-014 dövlət qeydiyyat nişanlı “Changan” markalı avtomobilin sürücüsü yolayrıcının keçilməsi qaydasını pozub.

Belə ki, o, dairə boyunca hərəkətdə olan avtomobili gözləmədən hərəkətinə davam edib. Nəticədə o, görüntünü qeydə alan 

nəqliyyat vasitəsinə qəza şəraiti yaradıb. 

Xatırladaq ki, dairəvi hərəkətin təşkil olunduğu yolayrıclarında əsas prinsip dairənin daxilində olan nəqliyyat vasitələrinin hərəkət üstünlüyünün təmin edilməsidir. Bu qaydaya əməl olunmaması yolayrıcında nəqliyyat axınının pozulmasına, qəfil əyləcləmə və toqquşma riskinin artmasına səbəb olur.

Nərmin