Dönmə işığına arxayın olan sürücü yolu kəsib qəza riski yaratdı - VİDEO

Paytaxtın Ziya Bünyadov prospektində qayda pozan sürücü avtomobilin kamerasına düşüb. Avtosfer.az-ın məlumatına görə, hadisə fevralın 28-də saat 15:19 radələrində qeydə alınıb.

Videodan aydın olduğu kimi, 90-GS-110 dövlət nömrə nişanlı “Mercedes” markalı avtomobilin sürücüsü hərəkətdə olduğu zolaqdan qəfil sağa manevr edərək digər nəqliyyat vasitəsi üçün qəza riski yaradıb. Kadrlarda manevrin digər sürücünün hərəkət trayektoriyasını məhdudlaşdırdığı və təhlükəli vəziyyət formalaşdırdığı aydın görünür.

Qanunvericiliyə görə, dönmə işığını aktivləşdirmək manevr üçün üstünlük hüququ vermir. Hər bir sürücü zolağı dəyişərkən və ya manevr edərkən digər hərəkət iştirakçılarına üstünlük verməli və onların hərəkətinə maneə yaratmamalıdır.

Nərmin