Konstruksiya dəyişikliyinə görə cərimələnən sürücü məhkəmədə qalib gəldi - FOTO

Ağdaş rayonunda yol hərəkəti qaydasını pozmadığını iddia edən sürücü haqsız yerə cərimələnib. Avtosfer.az xəbər verir ki, 90-TE-426 qeydiyyat nişanlı "Ford" markalı avtomobilin sürücüsü Fərhad Hüseynov yazılmış qərardan narazı olduğu üçün Ağdaş rayon Məhkəməsinə şikayət ünvanlayıb. Oktyabrın 10-da keçirilən məhkəmə zamanı hakim sürücünü təqsirsiz bildiyi üçün tərtib edilmiş qərara xitam verib. Lakin sürücü bildirir ki, o vaxtdan bəri qərar hələ də Dövlət Yol Polisi İdarəsinin mərkəzi informasiya sistemindən silinməyib.

Sürücü Fərhad Hüseynov məhkəmə tərəfindən ləğv edilən qərarın qısa müddətdə sistemdən çıxarılmasını xahiş edir.

Fərid