Masazırda qayda pozan sürücü avtomobilə ziyan vurdu – üstəlik özünü haqlı bildi - VİDEO

Abşeron rayonu, Masazır qəsəbəsində qayda pozan sürücü avtomobilin kamerasına düşüb.

İzləyicilərdən biri Avtosfer.az-ın “Whatsapp” ünvanına videomaterial göndərərək məlumat verib. Hadisə dekabrın 9-da saat 17:45 radələrində Əliağa Vahid küçəsində qeydə alınıb. Kadrlardan görünür ki, 77-TF-691 dövlət nömrə nişanlı “Toyota” markalı avtomobilin sürücüsü birzolaqlı yolda sağa manevr edərək əlavə zolaq yaradıb. Nəticədə o, görüntünü qeydə alan avtomobili sıxışdıraraq qəza şəraiti yaradıb.

Təhlükə ilə üzləşən sürücü siqnal verərək xəbərdarlıq edib və “Hara girirsən?” deyə iradını bildirib. Lakin qayda pozan sürücü törətdiyi xətanı anlamaq əvəzinə “İkizolaqlı yoldur, görmürsən?” deyə cavab verib.

Şikayətçinin iddiasına görə, hadisə zamanı sürücü onun avtomobilinin sol tərəfini sürtərək maddi ziyan vurub.

Nərmin