Maşınları səkini zəbt edəcək şəkildə park edən sürücülər - VİDEO

Bakıda məhəllələrdə və səkilərdə avtomobillərin park edilməsi ilə bağlı narazılıqlar tez-tez gündəmə gəlir.

Avtosfer.az xəbər verir ki, belə hallardan biri paytaxtın Yasamal rayonu, Şəfayət Mehdiyev küçəsində yaşanıb. Redaksiyamıza daxil olan şikayətdə bildirilib ki, sürücülər avtomobillərini səkidə qarşı-qarşıya saxlayaraq piyadaların hərəkətinə tam mane olublar.

Sürücülər isə polislərin bu cür park etməyə görə onlara haqsız cərimələr yazdığını deyirlər. Lakin videodan da göründüyü kimi, avtomobillər səkidə səliqəsiz şəkildə saxlanılıb. Əgər avtomobillər düzgün və məsafə saxlanılaraq park edilsəydi, piyadalar oradan rahat keçə bilərdi.

Ərazidə “Range Rover” markalı 77-XG-010, “Hyundai” markalı 77-GM-336, “Chevrolet” markalı 99-UR-308, “Mercedes” markalı 99-VK-345 və “Mercedes” markalı 10-UP-030 dövlət nömrə nişanlı avtomobillərin səkidə park etdikləri müşahidə olunub.

Bu cür hallar şəhərdə nəqliyyat mədəniyyətinin zəif olduğunu göstərir və xüsusilə piyadalar üçün ciddi narahatlıq yaradır. Qeyd edək ki bu cür qayda pozuntusu törədən sürücülər İnzibati Xətalar Məcəlləsinin 346.9-cu maddəsinə əsasən 60 manat və 2 balla cərimələnir.

Eltac Zülfüqaroğlu