Maşınların arasından əks yola çıxan sürücü az qala qəza törədəcəkdi - VİDEO

Paytaxtın Suraxanı rayonu, Hövsan qəsəbəsində təhlükəli manevr edən sürücü kameraya düşüb.

Avtosfer.az-ın məlumatına görə, hadisə oktyabrın 10-da saat 16:45 radələrində Elman Qasımov küçəsində qeydə alınıb.

Kadrlardan görünür ki, 99-KM-052 dövlət nömrə nişanlı “Mercedes” markalı avtomobilin sürücüsü hərəkətdə olan nəqliyyat vasitələrinin arasından qəfil çıxaraq əks istiqamətli hərəkət zolağına keçib. Bu zaman o, qarşıdan gələn avtomobilin qarşısına çıxaraq qəza şəraiti yaradıb. Görüntünü qeydə alan sürücünün vaxtında reaksiya verməsi nəticəsində toqquşmanın qarşısı son anda alınıb.

Xatırladaq ki, qanunvericiliyin tələbinə əsasən, sürücülər manevr edərkən hərəkətin digər iştirakçıları üçün təhlükə yaratmamalı və onların hərəkətinə mane olmamalıdırlar.

Nərmin