Necə gəldi ötmə edən sürücü dəfələrlə qəza təhlükəsi yaratdı - VİDEO

Qala-Ramana yolunda qayda pozan sürücü kameraya düşüb.

Bu barədə izləyicilərdən biri Avtosfer.az-ın “WhatsApp” ünvanına video göndərərək məlumat verib. Hadisə avqustun 26-da saat 08:48 radələrində qeydə alınıb.

Belə ki, 77-NM-690 dövlət nömrə nişanlı “Mercedes Sprinter” markalı evakuatorun sürücüsü əks istiqamətli hərəkət zolağına çıxaraq ötmə manevri edir. Lakin qarşıdan avtomobilin gəldiyini görən sürücü qəfil öz zolağına qayıdır və bu zaman görüntünü qeydə alan avtomobil üçün təhlükəli vəziyyət yaradır.

Bununla kifayətlənməyən sürücü bir qədər sonra yenidən əks yola çıxaraq ötməyə cəhd edir. Qarşıdan avtomobilin yaxınlaşdığını gördükdə isə o yenidən öz zolağına qayıdır və bu dəfə də həmin sürücüyə qəza şəraiti yaradır.

Şikayətçinin sözlərinə görə, o, hadisədən sonra sürücüyə yaxınlaşaraq iradını bildirib. Bu zaman evakuatorun sürücüsü ona qarşı nalayiq ifadələr işlədib.

Nərmin