Piyada keçidinin üstündə maşını park edən “Toyota” sahibi - 90-CY-195- FOTO

Paytaxtda sürücülərin dayanma-durma qaydalarına məhəl qoymadan piyadaların hərəkətinə maneə yaratma faktlarına tez-tez rast gəlirik.

Avtosfer.az xəbər verir ki, Bakının Nərimanov rayonunda nəqliyyat vasitəsi idarəçiləri hər gün piyada keçidini zəbt edirlər.

Belə ki, rayonun ən işlək yollarından biri olan Azadlıq prospekti ilə Sabit Rəhman küçəsinin kəsişməsində yerləşən piyada keçidiuzun müddətdir sürücülər tərəfindən nəzərə alınmır. Sakinlərin sözlərinə görə, bu keçiddə piyadalara üstünlük verilməməsi, sürücülərin qaydalara əməl etməməsi və nəzarətin zəif olması ciddi təhlükə yaradır. 90-CE-195 qeydiyyat nişanlı “Toyota” markalı avtomobilin sahibi də analoji halı təkrarlayaraq qaydaları kobud şəkildə pozub.

Piyadalar bu ərazidə yolu keçərkən çətinliklə üzləşdiklərini, bəzi hallarda isə sürücülərin sürəti azaltmadığını bildirirlər. Küçədə marketin olması və sürücülərin parklamağa yer tapmaması kəsişmədə sıxlığın yaranmasına səbəb olur.

Sakinlər aidiyyəti qurumlardan burada təhlükəsizliyin təmin olunması üçün tədbirlər görülməsini, piyada keçidinin daha nəzərəçarpan hala gətirilməsini və sürücülərə nəzarətin artırılmasını tələb edirlər. Avtomobil idarəçiləri həm də ərazidə 47 saylı orta məktəbin şagirdlərini, uşaqlı qadınların keçiddən istifadəsini də gözardı etməməlidirlər. Əks halda, İnzibati Xətalar Məcəlləsinin 346.5-ci maddəsinə əsasən, 40 manat cərimə edilə bilərlər.

Eltac Zülfüqaroğlu