Piyadalara məhəl qoymayan sürücü əks yola çıxıb ikiqat təhlükə yaratdı - VİDEO

Abşeron rayonu, Xırdalan şəhərində kobud qayda pozan sürücü kameraya düşüb.

Avtosfer.az-ın məlumatına görə, hadisə sentyabrın 23-də saat 17:53 radələrində Qalubiyyə küçəsində baş verib.

Kadrlardan göründüyü kimi, görüntünü qeydə alan avtomobilin sürücüsü yolu müəyyən olunmayan yerdən keçən piyadaları gördüyü üçün dayanır. Bu zaman arxadan gələn 77-VY-923 dövlət nömrə nişanlı “BYD” markalı avtomobilin sürücüsü bütöv xəttin tələbini pozaraq əks istiqamətli yola çıxır. Sürücü qarşısına çıxan piyadalara və digər nəqliyyat vasitələrinə məhəl qoymadan hərəkətini davam etdirir.

Nəticədə o, həm piyadalara, həm də sürücülərə təhlükəli vəziyyət yaradır.

Nərmin