Qaydaları saymayan “Prius” sürücüsü tuneldə təhlükə yaratdı - VİDEO

Paytaxtın Moskva prospektində qayda pozan sürücü avtomobilin kamerasına düşüb.

Avtosfer.az-ın məlumatına görə, hadisə bir neçə gün əvvəl səhər saatlarında baş verib. Kadrlarda tuneldə hərəkətdə olan 99-LH-896 dövlət qeydiyyat nişanlı “Toyota Prius” markalı avtomobilin sürücüsünün manevr qaydasını pozduğu görünür. Belə ki, o, bütöv xəttin tələbinə məhəl qoymadan sol zolaqda hərəkətdə olan avtomobilin qarşısına çıxaraq zolaq dəyişib və bu zaman qəza şəraiti yaradıb.

Qeyd edək ki, qanunvericiliyə əsasən, tuneldə və ya yolun məhdud görünüşlü hissələrində ötmə manevrlərinin edilməsi qadağandır. Bu cür hərəkətlər həm digər nəqliyyat vasitələrinin təhlükəsizliyini pozur, həm də qəza riskini əhəmiyyətli dərəcədə artıran inzibati xəta hesab olunur və sürücü barəsində qanunvericiliyə uyğun məsuliyyət tədbirlərinin görülməsinə əsas yaradır.

Nərmin