Qəfil yola çıxan sürücü az qala qəza törədəcəkdi - 99-UC-774 - VİDEO

Abşeron rayonu, Xırdalan şəhərində qayda pozan sürücü kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında Qəşəm Aslanov küçəsində qeydə alınıb.

Kadrlardan göründüyü kimi, 99-UC-774 dövlət qeydiyyat nişanlı “Chery” markalı avtomobilin sürücüsü yola baxmadan maşını park etdiyi yerdən birbaşa hərəkət hissəsinə çıxıb. Bu zaman o, görüntünü qeydə alan avtomobilin qarşısına qəfil çıxaraq qəza şəraiti yaradıb.

Xoşbəxtlikdən təhlükə ilə üzləşən sürücü vaxtında dayanaraq qəzanın qarşısını alıb.

Qeyd edək ki, qanunvericiliyə əsasən, sürücü dayanacaqdan və ya yolun kənarından hərəkət hissəsinə çıxarkən digər hərəkət iştirakçılarına maneə və təhlükə yaratmamalı, yol şəraitini nəzərə alaraq manevri təhlükəsiz şəkildə həyata keçirməlidir.

Nərmin