Qırıq xətdə avtobus zolağına girən bu sürücülər cərimələnəcək - VİDEO

Avtobus zolağına daxil olan sürücü cərimə olunması ilə bağlı sosial şəbəkədə paylaşım edib. Avtosfer.az xəbər verir ki, qırıq xətdə avtobus zolağına daxil olduğunu bildirən sürücü cərimənin düzgün yazılmadığını iddia edib. Lakin qeydə alınmış videodan görünür ki, sürücü avtobus zolağına qırıq xətdə daxil olsa da, həmin zolaqla xeyli məsafə qət edib.

Qeyd edək ki, sürücü dönəcəyi yerə ən yaxın qırıq xətdən avtobus zolağına daxil olmalı və oradan manevri həyata keçirməlidir. Təqdim etdiyimiz videogörüntüdəki sürücü həmin zolağa vaxtından əvvəl daxil olduğu üçün cərimə düzgün yazılmış hesab olunur.

Fərid