Şəhərin mərkəzində skuterlə “hoqqa” verən gənc az qala qəza törədəcəkdi - VİDEO

Paytaxtın mərkəzi küçələrindən birində yol hərəkəti qaydalarını kobud şəkildə pozan skuter sürücüsü kameraya düşüb.

Avtosfer.az-ın məlumatına görə, görüntülər sosial şəbəkələrdə yayılıb. Kadrlardan görünür ki, skuter sürücüsü nəqliyyat vasitəsinin ön təkərini havaya qaldıraraq avtobus zolağı ilə hərəkət edir. O, daha sonra işıqforun qırmızı işığının tələbinə əməl etmir və hərəkətini davam etdirir. Ardınca isə qəfil sola manevr edərək həmin istiqamətdə hərəkət edən motosikletlə toqquşma təhlükəsi yaradır. Yalnız motosiklet sürücüsünün çevik reaksiyası sayəsində qəzanın qarşısı son anda alınır.

Qeyd edək ki, işıqforun qadağanedici işığında hərəkətin davam etdirilməsi, eləcə də digər hərəkət iştirakçıları üçün təhlükə yaradan manevrlər yol hərəkəti qaydalarının kobud şəkildə pozulması hesab olunur. Bu cür davranışlar inzibati məsuliyyət yaradır və həm sürücünün, həm də digər hərəkət iştirakçılarının həyat və sağlamlığı üçün ciddi risk yaradır.

Nərmin