Son anda zolaq dəyişən sürücü qəza şəraiti yaratdı - 77-MN-977 - VİDEO

Paytaxtın “Koroğlu” metrostansiyası yaxınlığında qayda pozan sürücü kameraya düşüb.

Avtosfer.az-ın məlumatına görə, hadisə mayın 18-də saat 17:11 radələrində qeydə alınıb. Belə ki, 77-MN-977 dövlət qeydiyyat nişanlı “Mercedes” markalı avtomobilin sürücüsü hərəkət zamanı manevr qaydasını pozub. Görüntülərdən aydın olur ki, istiqamətini dəyişmək istəyən sürücü son anda sağa manevr edib. Bu zaman o, görüntünü qeydə alan avtomobilə qəza şəraiti yaradıb.

Xoşbəxtlikdən digər sürücünün operativ reaksiyası nəticəsində baş verə biləcək yol-nəqliyyat hadisəsinin qarşısı alınıb.

Qeyd edək ki, qanunvericiliyə əsasən, sürücü manevr etməzdən əvvəl digər hərəkət iştirakçılarını öncədən xəbərdar etməli, həmçinin manevrin təhlükəsizliyinə əmin olmalıdır. Qəfil və düşünülməmiş manevrlər yolda ciddi qəzalara səbəb ola bilər. 

Hər bir sürücü sükan arxasında diqqətli olmalı, zolaq dəyişdirərkən isə məsafə və sürət intervalına xüsusi diqqət yetirməlidir.

Nərmin