Sürücü sərnişinləri yolun ortasında düşürdü, onlar isə… - VİDEO

Paytaxtın Səbail rayonunda yol hərəkəti qaydalarının pozulduğu anlar kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Görüntülərdən aydın olur ki, 120A müntəzəm marşrut xətti üzrə hərəkət edən 99-XO-187 dövlət qeydiyyat nişanlı “Midibus” markalı avtobusun sürücüsü müəyyən olunmuş dayanacaqdan kənarda saxlayaraq sərnişinlərin düşməsinə şərait yaradıb.

Eyni zamanda, piyadalar da yolu nəzərdə tutulmayan hissədən keçərək riskli vəziyyətə səbəb olublar. Onların bir qismi yolun qarşı tərəfinə keçmək üçün dəmir arakəsmənin üzərindən aşaraq hərəkət edib, daha sonra isə nəqliyyat axınının sıx olduğu vəziyyətdə avtomobillərin arasından keçiblər.

Qeyd edək ki, bu cür davranışlar həm sürücülər, həm də piyadalar üçün idarəolunmaz situasiyalar yaradır. Sürücü gözləmədiyi vaxtda yola çıxan piyadaya reaksiya verməyə macal tapmaya, piyada isə saniyələr içində nəqliyyat axınının ortasında çıxılmaz vəziyyətdə qala bilər.

Nərmin