Tıxacda gözləmək istəməyən sürücü avtobus zolağına girdi - VİDEO

Paytaxtın Moskva prospektində qayda pozan sürücü kameraya düşüb.

Avtosfer.az-ın məlumatına görə, hadisə aprelin 25-də saat 14:32 radələrində qeydə alınıb. Belə ki, 77-OB-145 dövlət nömrə nişanlı “Changan” markalı avtomobilin sürücüsü icazə verilməyən vaxt intervalında avtobus zolağına daxil olaraq hərəkət edib. Sürücünün tıxacdan yayınmaq üçün bu xətanı törətdiyi videoda aydın şəkildə görünür. 

Qeyd edək ki, avtobus zolaqları ictimai nəqliyyatın fasiləsiz və təhlükəsiz hərəkətini təmin etmək məqsədilə təşkil edilir və onların qeyri-qanuni istifadəsi inzibati məsuliyyət yaradır.

Xatırladaq ki, qanunvericiliyə əsasən, avtobus zolağından müəyyən edilmiş saatlar xaricində istifadə qadağandır və bu qaydanı pozan sürücülər 100 manat  məbləğində cərimələnə bilərlər.

Nərmin