Tıxacdan yayınan sürücü birbaşa ən sağ zolağa keçib təhlükə yaratdı - VİDEO

Abşeron rayonu, Masazır dairəsində qayda pozan sürücü kameraya düşüb.

Avtosfer.az xəbər verir ki, izləyicilərdən biri hadisənin görüntülərini redaksiyanın “WhatsApp” ünvanına göndərərək şikayət edib.

Hadisə oktyabrın 20-də saat 12:51 radələrində qeydə alınıb. Belə ki, tıxacdan yayınmaq istəyən 90-YN-240 dövlət nömrə nişanlı “Hyundai” markalı avtomobilin sürücüsü köməkçi yola keçmək üçün hərəkətdə olduğu zolaqdan birbaşa ən sağ zolağa manevr edib. Bu zaman o, görüntüləri qeydə alan avtomobilin sürücüsünə qəza şəraiti yaradıb.

Şikayətçinin sözlərinə görə, o, qayda pozuntusuna görə “Hyundai”ın sürücüsünə iradını bildirdikdə qarşı tərəf onun sözünü yarımçıq kəsərək təhqiramiz ifadələr işlədib və törətdiyi qayda pozuntusuna haqq qazandırmağa çalışıb. Daha sonra isə ərazidən uzaqlaşıb.

Nərmin