Xanım piyadadan yeni trend: Maşının qarşısını kəsib görün nə etdi - VİDEO

Son vaxtlar paytaxt küçələrində piyadaların yol hərəkəti qaydalarına biganə yanaşması halı artmaqda davam edir. Belə bir vəziyyətdə bir xanım piyada keçidində yeni trend yaradıb. O, keçidin qarşısında dayanmış avtomobilin yolunu kəsərək üzünə kosmetika çəkməyə başlayıb.

Hadisənin görüntüləri sosial şəbəkələrdə yayılıb. Təəssüf ki, cəmiyyətdə belə məsuliyyətsiz hərəkətlərə bəzən “trend” adı altında qoşulanların sayı az olmur.

Piyada keçidi insanların təhlükəsiz şəkildə yolu keçməsi üçün nəzərdə tutulub. Orada dayanmaq, söhbət etmək, mobil telefon və ya kosmetikadan istifadə kimi hərəkətlər həm qayda pozuntusudur, həm də təhlükəlidir.

Hər bir piyada bilməlidir ki, cəmi bir anlıq məsuliyyətsizlik həm onun, həm də başqalarının həyatına son qoya bilər.

Fərid