Yolun ortasında sərnişin düşürən sürücü qəza şəraiti yaratdı - VİDEO

Gəncədə qayda pozan sürücü avtomobilin videoregistratoruna düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb.

Kadrlardan görünür ki, 50-FE-612 dövlət nömrə nişanlı “KIA” markalı avtomobilin sürücüsü ikinci hərəkət zolağında dayanaraq sərnişinin düşməsinə şərait yaradıb. Bu zaman həmin zolaqla hərəkət edən avtomobil üçün qəza təhlükəsi yaranıb.

Yaxınlaşan avtomobilin sürücüsü vaxtında reaksiya verərək toqquşmanın qarşısını alıb. Sərnişinin isə yaratdığı təhlükəyə heç bir əhəmiyyət vermədən davranması diqqət çəkib.

Qeyd edək ki, qanunvericiliyə əsasən, yolun hərəkət hissəsində sərnişin mindirib-düşürmək qayda pozuntusudur. Sürücü sərnişinin təhlükəsizliyini və digər nəqliyyat vasitələrinin hərəkətinə maneə yaratmamağı nəzərə almalıdır.

Nərmin