İki nəfərin öldüyü, 5 nəfərin xəsarət aldığı qəzada ittiham edilən sürücüyə hökm oxunub

Beyləqanda iki nəfərin ölümünə səbəb olan qəzanı törətməkdə təqsirləndirilən Ramiz Xankişiyevin cinayət işi üzrə məhkəmə prosesi keçirilib. Avtosfer.az APA-ya istinadən xəbər verir ki, Lənkəran Ağır Cinayətlər Məhkəməsində hakim Ənnağı Məmmədlinin sədrliyi ilə keçirilən prosesdə hökm oxunub. Hökmə əsasən, təqsirləndirilən şəxs 3 il nəqliyyat vasitələrini idarə etmək hüququndan məhrum edilməklə 5 il azadlıqdan məhrum etmə cəzasına məhkum edilib. Xatırladaq ki, hadisə ötən il iyul ayında Beyləqan rayonunda baş verib. "Hyundai" və "Mercedes" markalı minik avtomobilləri toqquşub. Nəticədə iki nəfər ölüb, beş nəfər xəsarət alıb.

Qeyd edək ki, təqsirləndirilən şəxsə Cinayət Məcəlləsinin 263.3-cü ( Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda) maddəsi ilə ittiham iirəli sürülüb.