Kirayə avtomobillə piyadanı vurub öldürən sürücü saxlanıldı - VİDEO

“Karşerinq” xidmətinin sərxoş sürücüsü səkidə gedən piyadanı vurub. Avtosfer.az xəbər verir ki, Rusiyanın Nijni Novqorod şəhərində baş verən hadisənin görüntüləri təhlükəsizlik kamerası tərəfindən qeydə alınıb.

Belə ki, şəhərin Lenin prospektində “karşerinq” xidmətinə məxsus “Chery Tiggo” markalı avtomobil  sürücünün idarəetməsindən çıxaraq yolun əks istiqamətinə keçib və səkidə gedən piyadanı vurub. Avtomobil əvvəlcə ağaca, ardınca isə yaşayış binasına çırpılıb.

Qəza nəticəsində 35 yaşlı piyada aldığı xəsarətlərdən hadisə yerində ölüb.

Xidməti avtomobili idarə edən 26 yaşlı sürücü polis tərəfindən saxlanılıb. Onun sükan arxasında sərxoş olduğu bildirilir.

Faktla bağlı cinayət işi açılıb, araşdırma aparılır.

Sözügedən hadisənin anbaan videosunu təqdim edirik:

Namiq Musayev