Marketə gedən yaşlı sürücü iki azyaşlı qızı vurub maşını pilləkənə dırmaşdırdı - FOTOLAR

Yaşlı sürücü avtomobillə iki azyaşlı piyadanı vurub. Avtosfer.az xəbər verir ki, hadisə Rusiyanın Kurqan vilayətində baş verib. Regional prokurorluqdan verilən məlumata görə, vilayətin Polovinnoye kəndinin Pobedi küçəsində 1946-cı il təvəllüdlü sürücü idarə etdiyi “Toyota Highlander” markalı avtomobillə supermarketin dayanacağına girmək istəyib. Ancaq sürücü sükana nəzarəti itirərək səkidə gedən iki azyaşlı piyadanı - 2015 və 2018-ci il təvəllüdlü qızları vurub. Daha sonra avtomobil hərəkət edərək supermarketə gedən pilləkənlərin üzərinə çıxıb. Qəza nəticəsində hər iki qız ağır xəsarətlərlə xəstəxanaya yerləşdiriliblər.
Hazırda faktla bağlı araşdırma aparılır.

Namiq Musayev