Nəsimidə qabağa düşməyə çalışan taksi sürücüsü maşını avtobusa çırpdı - VİDEO

Bu gün səhər saatlarında paytaxtın Nəsimi rayonu ərazisində baş verən qəza bir sıra yollarda tıxaca səbəb olub.

Azərbaycanda tanınmış cərrah əməliyyatı qüsurlu icra etdi: 32 min ödəyəcək

Avtosfer.az xəbər verir ki, rayonun Mərdanov qardaşları küçəsində, Ənvər Qasımzadə küçəsi ilə kəsişmədə baş verən qəza hərəkət axınına maneə yaradıb. Belə ki, 3 nömrəli marşrut xətti üzrə hərəkət edən avtobus Rusiya səfiriliyinə yaxınlaşarkən 99-UQ-592 nömrə nişanlı “BYD” markalı avtomobillə toqquşub. Hadisə şahidlərinin bildirdiyinə görə, taksi sürücüsü avtobusun hərəkətdə olduğunu görsə də, qabağa düşmək üçün maşını iki avtobusun arasına soxmağa çalışıb. Nəticədə, 3 nömrəli avtobusun kənarına çırpılıb.

Mövzu ilə əlaqədar “BakuBus” MMC-dən Avtosfer.az-ın sorğusuna cavab olaraq bildirilib ki, bu gün saat 10:10 radələrində BakuBus MMC-nin istismarında olan 3 nömrəli müntəzəm marşrut xətti üzrə hərəkət edən avtobuslardan birinin iştirakı ilə kiçik yol-nəqliyyat hadisəsi baş verib.

Avtobusda olan sərnişinlər operativ şəkildə həmin marşrut üzrə hərəkət edən digər avtobusa yönləndirilib.

Baş verən yol-nəqliyyat hadisəsi əhəmiyyətli xarakter daşımadığından avtobusun hərəkəti qısa müddət ərzində bərpa edilib.

Səfər