Qırmızıdan keçən sürücü qəza törətdi; piyadalar ölümdən son anda qurtuldular - VİDEO

Qayda pozan sürücü qəzaya səbəb olub. Avtosfer.az xəbər verir ki, Rusiyanın Yaroslavl vilayətində baş verən hadisə kameraya düşüb.

Belə ki, Tutayev şəhərində işıqforun qırmızı işığından keçən avtomobil yol kəsişməsində başqa bir avtomobillə toqquşub.

Zərbənin təsirindən hər iki nəqliyyat vasitəsi idarəetmədən çıxaraq birbaşa piyadaların dayandığı səkiyə tərəf yönəlib. Bu zaman səkidə gözləyən piyadalar avtomobillərin onlara doğru gəldiyini görərək dərhal kənara çəkiliblər. Bir neçə saniyəlik fərq və insanların çevik hərəkəti böyük faciənin qarşısını alıb. Avtomobillər piyadaların bir neçə addımlığından keçərək dayanıb.

İlkin məlumatlara görə, qəza nəticəsində ciddi xəsarət alan olmayıb.

Hazırda yerli hüquq-mühafizə orqanları qəzanın dəqiq səbəblərini müəyyən etmək üçün araşdırmalara başlayıb.

Sözügedən hadisənin anbaan videosunu təqdim edirik:

Namiq Musayev