“Toyota” “Volkswagen”i, o da “Skoda”nı vurdu – 8 yaralı var – ANBAAN VİDEO

Qayda pozan sürücü ağır yol qəzasına səbəb olub. Avtosfer.az xəbər verir ki, Rusiyanın Rostov vilayətində baş verən hadisə müşahidə kamerası tərəfindən qeydə alınıb. Vilayətin Bataysk şəhərində ikinci dərəcəli yolda hərəkətdə olan 34 yaşlı sürücü idarə etdiyi “Toyota” markalı avtomobillə yol kəsişməsinə daxil olub və bu zaman baş yolda hərəkətdə olan 21 yaşlı sürücünün idarə etdiyi “Volkswagen”lə toqquşub. Zərbənin təsirindən idarəetmədən çıxan “Volkswagen” əks istiqamətdə hərəkətdə olan 45 yaşlı sürücünün idarə etdiyi “Skoda”ya çırpılıb.

Qəza nəticəsində dördü uşaq olmaqla, ümumilikdə 8 nəfər xəsarət alıb. Digər sürücülərin çağırışı ilə hadisə yerinə polis və təcili tibbi yardım əməkdaşları gəlib. Yaralılar ilkin tibbi yardımın ardından xəstəxanaya aparılıblar.

Sözügedən qəzanın anbaan videosunu təqdim edirik:

Namiq Musayev