Bəzi şəxslərə pulsuz mənzil veriləcək - 12 ədəd üçotaqlı

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi əlilliyi müəyyən olunmuş şəxslər və şəhid ailələri üçün Salyan rayonunda 12 ədəd üçotaqlı mənzilin satın alınması üçün tender elan olunub. Avtosfer.az-ın Oxu.az-a istinadən məlumatına görə, mənzillərin şəhid ailələri və əlilliyi olan şəxslərə verilməsi planlaşdırılıb.

Belə ki, 12 mənzilin tikilməsi üçün ehtimal olunan qiymət 1 milyon 188 min manatdır.

Xatırladaq ki, daha əvvəl sözügedən rayonda üç otaqdan ibarət altı, iki otaqdan ibarət doqquz mənzilin satın alınması, həmçinin Neftçalada hər biri üç otaqdan ibarət 20 mənzilin alınması üçün tender elan edilmişdi.